Swayam me anekon kamiyan hone ke bavjood mai apne aap se itna pyaar kar sakta hun

to fir doosron me thodi bahut kamiyon ko dekhkar unse ghrina kaisi kar sakta hun-

anmol vachan, Swami Vivekanand Ji


Sunday, 14 April 2013

Jagdambe Bhawaani Bhajan




Jagdambe Bhawaani ke dwaare chali
Aadya Shakti Bhawani ke dware chali
Maa Bhawani ke darshan ko dware chali

Aayi aasin maheena machi harbadi
Aagyi Maa ke darshan ki paawan ghadi
Man me dheeraj nahi har pal yun hi lagi
Jaise Mata bulaati ho humko khadi

Jagdambe Bhawaani ke dwaare chali...

Chal pade man me leke umangen kayi
Maa se milne ki aasha lagi hai nayi
Paon chhoone na dengi jo mata hume
Dhanya samjhenge gar dhool lag hi gayi

Jagdambe Bhawaani ke dwaare chali...


Maa milengi to maangenge hum ye vachan
Tere baalak hain maa humko lelo sharan
Dena vardaan maateshwari hume
Tere charnon me jeevan aur maran

Jagdambe Bhawaani ke dwaare chali...