Swayam me anekon kamiyan hone ke bavjood mai apne aap se itna pyaar kar sakta hun

to fir doosron me thodi bahut kamiyon ko dekhkar unse ghrina kaisi kar sakta hun-

anmol vachan, Swami Vivekanand Ji


Wednesday, 8 May 2013

Om


Shri Krishna Bhagwan ne vedon me apna naam ॐ  bataya hai. Unhone kaha hai ॐ  ka jap karne se manushya jeewan mukt hokar Shri Krishna me samaahit ho jaata hai. Sant gyaani satat ॐ ka sumiran karte rehte hain. ॐ ka varnan swayam Shivji, Brahmaji aur Vishnu ji (Tridev)  ne bhi kiya hai.


ॐ  hai jeevan humara
ॐ  pran-aadhar hai
ॐ  hai karta vidhaata
ॐ  paalanhaar hai
ॐ  hai dukh ka vinaashak
ॐ  sarvaanand hai
ॐ  hai bal tej dhaari
ॐ  karuna-anand hai
ॐ  sabka pujya hai
ॐ  hai kalyan-may mangal-may
ॐ  Brahma-anand hai
ॐ  ka sumiran karen hum
ॐ ke guru-mantra se
hum shudh apna man karen
ॐ  japne se humara
gyan badhta jayega
ant me yah gyaan humko 
mukti tak pahuchaega

"Ati uttam paawan param durlabh pad nirvaan...ॐ upaasak sahaj me paye Ved pramaan
Geeta me kaha krishna ne ॐ humara naam...Yahi Bhaagwat me param sumirau hou akaam"

Hari ॐ tat-sat...Hari ॐ tat-sat...mahaa mantra hai yah...re mann...tu japaakar....japaakar.


Gayatri Mantra:
ॐ  Bhoorbhuvah swah tatsya viturva renyam
Bhargo devasya dheemahi dhiyo yo nah prachodayaat


'Hari' milan ko 'Hari' gaye  'Hari' baithe 'Hari' paas
Jab 'Hari' 'Hari' me mil gaye tab 'Hari' bhaye udaas



As recited by my Father-in-Law Lt. Shri Nagendra Prasad. (His everyday prayer for Hari Vishnu)



              

Sunday, 5 May 2013

Kevat Dwaara Ram Stuti


Mere Raghav ji utrenge paar
Ganga maiyya dheere baho

Dheere baho dheere baho haule baho
Mere Raghavji.......

Aaj safal hue nain humare
Prabhuji viraaje hain naav humare
Ye to jag ke paalanhaar
Ganga Maiyya dheere chalo

Mere Raghavji.......

Bhav sarita se khevan haare
aaj humare naav padhaare
Ye to Dashrath rajkumar
Ganga Maiyya dheere baho

Mere Raghavji.......

Sita Lakhan Prabhu paar utaaaro
Bigadi janam aage ki sudhaaro
Ye to giridhar praanadhaar
Ganga maiyya dheere baho

Mere Raghavji........

Kevat utri dandvat keena
Prabhu utraayi mani mudri deena
Kahen kripaalu le lo utrayi
Kevat charan pakad akulayi
Ab kachu naath na chahiye mohe
Deen dayaalu anugrah tore
Firti baar mai jo kachhu paawa
Samajh prasaad mai sir dhari paawa

Mere Raghavji........

Saturday, 4 May 2013

KevaT Prasang

Ramayan mein Ayodhya kaand ke ant mein Shri Ram Ji van gamaan prasang aata hai. Prabhu Shri Ram apne anuj Lakshman tatha patni Jaanki ji ke saath van ko prasthaan kartein hain. Shrinberpur ke baad unhe Ganga paar jaana tha, isliye unhone Ganga kinaare khade ek naavik se kaha, "Bhaiya, hamein us paar jaana hai, tum hamein paar utaar doge?" Naavik arthaat kevaT bada hi hoshiyaar tha, usne kaha, " mein aapko jaanta hoon, meine aapke baare mein suna hai, ki aapke charano ka sparsh paakar ek shila roopi stri jeewant hogayi thi. Mein yadi aapko apni naav mein baithata hoon aur meri naav bhi stree roop mein parivartit ho jaegi to mein kya karoonga? Meri jeevika ka ek maatra saadhan ye nauka hai. Isi se mein parivaar ka bharan poshan karta hoon. Iske siva mein aur koi kaam jaanta bhi nahi jisse apne parivaar ka guzar basar kar sakoon." Prabhu ne kaha , " lekin hamein to paar jaana hai, koi aur naav bhi nahi hai, isliye koi upaaye karo , taaki hum us paar jaa sakein."

Shri Ram ke charan dhote hue Kevat

Kevat ne kaha, "Prabhu ek upaaye hai". Prabhu ne kaha,"kaun sa upaaye, sheeghra batao". Kevat ne kaha, " mein  pehle aapke charan pakharoonga, fir apni naav mein aapko baithaonga". Prabhu ne kaha , " Jo tumhe theek lage wohi karo". Kevat apne ghar se kathauTa le aaya , tatha saath saath apne samast parivaar tatha parijan ko bhi bula kar le aaya. Prabhu uski is chaturai par muskara rahe the. Unhe kevaT ke antar man mein chal rahe ananya prem tatha agaad charno ki bhakti apne liye dikhaai de rahi thi. KevaT charano ko aaram se dho raha tha, fir us charanaamrit ko sabse pehle apne poorvajo ka naam lekar chidka, punah sa-varivaar charanamrit grehan kiya, aur fir shree Ramji aur Sita ji tatha Lakshman ji ko naav mein baitha kar Ganga paar karaya. Prabhu paar utar kar kevaT ko utaarayi dena chahte the parantu vanvasi Shri Ram ke paas us samay naavik ko dene ke liye kuch nahi tha. Isleye Sita Ji ki taraf unhone dekha, Maata samajh gayin aur apni mudrika utaar kar naavik ko dene lagin. Naavik ne prabhu ke charan pakad liye, aur kaha," Prabhu mein aapse utaarayi nahi le sakta". Prabhu ne kahan, "kyun kevaT , kyun nahi le sakte? Ye to tumhara hakk hai." KevaT bola," Prabhu mera aur aapka vyavsaaye ek hai, Ek vyavsaaye ke log aapas mein paise ka len den nahi karte". Yeh sunkar Lakshman ji ko krodh aane laga ki pehle isne bahane se prabhu ke charan dhoye aur ab ek hi vyavsaaye ka bana raha hai. Kahan prabhu Shri Ram aur kahan ye kevaT. Prabhu Lakshman ji ka bhaav padhte hue bole, " KevaT se pooch lete hain ki humara vyavsaaye ek kaise hai?"

KevaT ne bade vishwas ke saath kaha," hamara vyavsaaye ek hi hai. Meine aapko Ganga paar kiya hai aur aap bhav saagar se paar karane waale hain. Isleye jab mein aapke ghaat par aaonga to aap mujhe bhavsaagar paar kara dijiyega. " KevaT ka jawab sunkar sabhi aashcharya mein pad gaye. KevaT punah haath jodkar vinamrata se kaha, " Prabhu jab aap laut kar aayenge to hamein seva ka avsar punah dijiyega aur us waqt aap hamein jo bhi utaarai denge wo mein prashaad samajh kar sirodhaari karoonga."


Is Prasang ka Aadhaar:

KevaT ko prabhu ne apne charan dhone ka avsar isliye diya kyunki kevaT apne poorva janam mein Prabhu shri charano ka bohot bada bhakt tha. Kehte hain jab prithvi par koi jeewan nahi tha aur samast prithvi jal magna thi, us samay kevaT kachuye (tortoise) ke roop mein prabhu ke charano ki bhakti karta tha. Prabhu shesh shaiya par jab dhyan mein hote the, Kachue ke roop mein kevaT ko prabhu charano ke sparsh ke laalsa hoti thi, parantu shesh naag ji ke phuphkaarne ke kaaran, dar kar wo paani mein chale jaate the. Thodi der baad fir unka yehi prayaas jaari rehta tha, parantu wo saphal nahi ho sake. Prabhu aankhein band kar kachuye ke is prayaas ko man hi man dekhte tatha unhe hasi bhi aati. Prabhu ne uske isi prayas se prasaann ho kar use vardaan diya ki Ram avtar mein wo ek KevaT hoga aur use Prabhu ke charan ki seva ka bharpoor avsar milega. Kachuye ko ye vardaan dekar prabhu ne uska jeewan dhanya kiya.

Dwaapar Yug Mein:

Yehi Kachua Dwapar yug mein Sudaama ji ban kar aaya aur Krishna avtaar mein prabhu ne apne haathon se Sudaama ji ke charan dhokar unke charan bhakti ka Ryn chukaya tha...




--------------------

More Articles :