Swayam me anekon kamiyan hone ke bavjood mai apne aap se itna pyaar kar sakta hun

to fir doosron me thodi bahut kamiyon ko dekhkar unse ghrina kaisi kar sakta hun-

anmol vachan, Swami Vivekanand Ji


Monday, 22 December 2014

Shri Krishna dwara Radha Rani ki Prem Pariksha



Ek baar Shri Krishna ko RadhaRani ki pariksha lene ki ichha hui. To unhone apna bhes badal ek gwalin ka roop banaya aur Barsane, jahan Radharani rehti thi, chale gaye. Jab Radharani ne us gwaalin ko dekha, to vah atyant prasann ho uthin. Unke man ke harsh ka karan yeh tha ki us gwalin me unhe shri Krishna ki chhavi dikh rahi thi. Unhe laga ki shri Krishna se milti chhavi wali ye gwalin avashya Vrindawan se ayi unki koi behan ya sambandhi hongi.

Radharani ne us gwalin se kaha "behen!tum atyant sunder ho! tumhara roop dekhkar to chandrama aur surya bhi sharma jaen. Tumhare prati mere man me apaar shradhha ho rahi hai. mera man atyant anandit ho raha hai. Tum mere Shyam Sunder si dikhti ho!"

Gwalin ka bhes dhare Shri Krishna bole "Tum Radha ho na? Maine tumhare saundarya aur gunon ke baare me bohot suna hai, isliye milne ki ichha hui aur mai swayam hi yahan khichi chali ayi. Tumhare darshan se mere man ko apaar shanti ki anubhooti hui hai". Itna keh kar vo udaas ho gaye.
Radharani unki udaasi dekhkar boli"behen! aisi kya baat hui ki tum udaas ho gyi?"

ShriKrishna ne kaha "behen!ek din mai dahi bechne ja raahi thi ki raste me braj ke chhore Krishna ne mere sath chhal kiya. Usne meri matki fod daali aur mujhse maafi bhi nahi maangi. Usne apne gwal mitron ke sang mil ke meri bohot hasi udai. Jaati ka to gwala hai, upar se rang kaala hai, aur itna abhimaani! aur tum ho ki uski prashansa karti ho, uski chhavi se anandit hoti ho.usse prem karti ho jabki vo to tumhare yogya bhi nahi!"

Aise vachan sun Radharani boli "aise vachan na bolo sakhi. Mai unke baare me aise shabd nahi sun sakti. Tumhare dhanya bhaag ki unhone tumhari matki fodi, is bahane unhone tumhe darshan diye aur tumpar kripa barsai. unke mangal darshanon ke liye to sabhi devta bhi taraste hain. Tum gwalon ko chhota samajhti ho jabki unke jaisa koi dhanya nahin, jo tan man se shri Krishna ki sewa me lage rehte hain aur unke sath van me dhenu charaate hain. Sakhi tumne unhe kala kaha, unke shyam rang ke samaksh to gaiyya bhi apna gaur rang bhul jaati hai. Vo hi mere praan dhan hai, mere sarvasva hain."

Radharani ke alaukik prem ko darshate shabdon ko sun shriKrishna apne vastavik roop me aa gaye aur apni priya ka naam lekar unhe pukaara "Radhe!" Radherani ne jaise hi apne Shyam Sunder ko apne sameep paaya, vo bhaav vibhor hokar apne priyevar ke hriday se jaa lagin.

Jai Jai Shri Radhe!

---------------------------------

More Articles : 


Sunday, 14 December 2014

Mero Man Anat Kahan Sukh Pave (Surdasji ke Pad-2) मेंरो मन अनत कहाँ सुख पावे।



मेरो मन अनत कहाँ सुख पावै  

जैसे उड़े जहाज को पंछी 
फिरी जहाज पर आवै 

कमल नयन को छाड़ि महातम 
और देव को ध्यावै 

परम गंग को छाड़ि पियासौ 
दुरमति कूप खनावै 

जिहिं मधुकर अंबुज रस चाख्यौ 
क्यों करील फल खावै 

सूरदास प्रभू कामधेनु तजि 
छेरी कौन दुहावै 

Bansuri Bajaye Aachhe Rang Saun Murari(बाँसुरी बजाई आछे रंग सौं मुरारी)।सूरदास जी के पद।................................................  

बाँसुरी बजाई आछे रंग सौं मुरारी 

सुनि कै धुनि छूटि गई संकर की तारी 
वेद पढ़न भूलि गये ब्रहमा ब्रहमचारी

रसना गुन कहि न सकै 
ऐसी सुधि बिसारी 

इन्द्र सभा थकित भइ 
लगी जब करारी 

रंभा की मान मिट्यो 
भूली नृतकारी 

जमुना जू थकित भई 
नहीं सुधि संभारी 
  
सूरदास मुरली है 
तीन लोक प्यारी। 

.................................................. 

(ref. sur sagar saar)

Saturday, 13 December 2014

Kamal Nayan Hari Karo Kaleva (Soordas Ji ke Pad -१ )।



कमल नयन हरि करो कलेवा

माखन रोटी सद्य जाम्यो
दधि भाँति  भाँति के मेवा

खारिक दाख चिरौंजी किशमिश 
उज्जवल गरी बादाम

सझरी सेव छुहारे पिस्ता
जे तरबूजा नाम

अरु मेवा बहु भाँति भाँति
है षटरस के मिस्ठान

सूरदास प्रभु करत कलेवा
रीझे श्याम सुजान।
Jevat Kanha NAND Ek Thaure  (जेवत कान्हा नन्द इकठौरे) ।Surdas Jee Ke Pad -2…………………………………………

जेवत कान्ह नन्द एक ठौरे

कछु खात लपटात दोउ कर
बाल केलि अति भोरे

बड़ा कौर मेलत मुख भीतर
मिरिच दसन टकटौरे

तीछन लगी नैन भरी आये
रोवत बहार दौरे

फूकत बदन रोहिणी ठाढ़ी
लिये लगाई अँकोरे

सूर श्याम को मधुर कौर दे
कीन्हे तात निहोरे।जेवत कान्ह नन्द एक ठौरे

कछु खात लपटात दोउ कर
बाल केलि अति भोरे


बड़ा कौर मेलत मुख भीतर
मिरिच दसन टकटौरे

तीछन लगी नैन भरी आये
रोवत बहार दौरे

फूकत बदन रोहिणी ठाढ़ी
लिये लगाई अँकोरे

सूर श्याम को मधुर कौर दे
कीन्हे तात निहोरे।
Maiya Mohi Daoo Bahut Khijayo(मैया मोहि दाउ बहुत खिजायो)।Surdas Jee Ke Pad-3……………………………………

मैया मोहि दाऊ बहुत खिजायो

मोसो कहत मोल को लीन्हौं
तू जसुमति कब जायो

कहा करौ इहि रिस के मारै
खेलन हौ नहीं जात

पुनि पुनि कहत कौन है माता
को है तेरो तात
गोरे नन्द जसोदा गोरी
तू कत श्यामल गात

चुटकी दै दै ग्वाल नचावत
हसत सबै मुस्कात
तू मोहि कौ मारन सीखी
दाउहि कबहु न खीजै

मोहन मुख रिस की ये बातें
जसुमति सुनी सुनी रीझे
सुनहु कान बलभद्र चबाई
जनमत ही को धूत

सूर श्याम मोहि  गोधन की सौं
हों माता तू पूत
Maiya Ri Mohe Makhan Bhawe(मैया री मोहे माखन भावे)Surdas Jee Ke Pad-4..................................................


मैय्या री मोहे माखन भावे
जो मेवा पकवान कहती तू
मोहि नहि रूचि आवै

ब्रज जुवति एक पाछै ठाढ़ी
सुनत श्याम की बात

मन मन कहती कबहुँ अपने घर
देखौं  माखन खात

बैठे जाई मथनिया कै ढिग
मैं तब रहौं छपानी

सूरदास प्रभू अंतर्यामी
ग्वालिन  मन की जानी।
.................................................. 


(Ref. Sur Sagar Saar)


Wednesday, 19 November 2014

Prabhu Jee Karo Mughe Bhav Par (प्रभुजी करो मुझे भव पार) [Shri Ram Bhajan]


प्रभुजी करो मुझे भव पार 
तुम जैसा नहीं उदार 
प्रभुजी करो मुझे भव पार।

मुनि के संग ताड़का मारी 
गौतम नारी अहिल्या तारी 
हरि हरो कलेश हमार 
प्रभुजी करो मुझे भव पार। 

मिथिला सभा में शिव धनुष तोड़ा 
लक्ष्मी पति ने चाप चढ़ाया 
हरि भक्तन हर्ष अपार 
प्रभुजी करो मुझे भव पार।  

सीता के संग ब्याह रचायो 
दशरथ - जनक के भेद मिटायो 
बह चली प्रेम की धार 
प्रभुजी करो मुझे भव पार।  

भला बुरा मैं प्रभूजी थारो 
करो न निज चरणन से न्यारो 
अपने दास को आप उबारो
प्रभुजी करो मुझे भव पार। 


_____________________________________________________________________


Tuesday, 18 November 2014

Maine paya Hai Pawan Khajana (Shri Ram Bhajan)



प्रभुजी मैंने पाया है पावन खज़ाना 
जगत में न कोई है हरि के समाना 
प्रभुजी मैंने पाया है पावन खज़ाना। 

मेरे भाग्य कितना है जाने आज भारी 
जो आये हैं दीनन के दुःख दर्द हारी 
करा पार जाने का मुझसे बहाना 
प्रभुजी मैंने पाया है पावन खज़ाना। 

बहुत काल कीनी थी मैंने मजूरी 
मिली आज मनमानी तनख्वा पूरी 
पुनः मुझको भगवान दरस दिखाना 
प्रभुजी मैंने पाया है पावन खज़ाना। 

केवट की भक्ति पे भगवन हर्षाये 
उसी वक्त देवों  ने बहु पुष्प बरसाए 
कहें राम जी हँसकर तू है बुद्धिमाना 
प्रभुजी मैंने पाया है पावन खज़ाना। 

कृपा सिंधु बोले सुनो भक्त भाई 
करो भक्ति मेरी मिलो मुझसे आई 
चरण भक्ति केवट प्रभू की महाना 
प्रभुजी मैंने पाया है पावन खज़ाना। 


______________________________________________ 


Aao Aao Krishan Kanhaiya.(आओ आओ कृष्ण कन्हैया )


आओ आओ कृष्ण कन्हैया 
भक्तों का दुःख दूर करैया 
आओ आओ कृष्ण कन्हैया

भक्त तुम्हारे तुम्हे पुकारे 
प्रभुजी तुम्हारी बाट निहारे 
तुम बिन दुखी यशोदा मैय्या 
आओ आओ कृष्ण कन्हैया

घट घट वासी अंतर्यामी 
प्रभु तुम हो सर्व जगत के स्वामी 
बलदाऊ जी के छोटे भैय्या 
आओ आओ कृष्ण कन्हैया

आओ आकर रास रचाओ 
भक्त जनो को सुखी बनाओ 
मनमोहन धेनु चरैय्या 
आओ आओ कृष्ण कन्हैया

_______________________________________________

Sunday, 28 September 2014

Maa Kali Bhakt Ramkrishna Paramhansa

Samast charaachar jagat ko apni ichha matra se rachna, paalan evam sanghaar karne me samarth Aadishakti Maa Bhuvaneshwari Paarbrahm Swarupa hain, jo samay-samay par Maa Parvati, Durga, Kali, Chandi, Saraswati aadi avtaar dhaaran karti hain. Shiv ke saath Shakti ki puja swabhavik hi judi hui hai.

Ye prasang Swami Ramkrishna Paramhans ke jeevan ka hai. Ramkrishna ji sadhna karte karte siddh purush ho chuke the, fir bhi ve Kali maa ke ananya bhakt the. Ek baar unki bhent ek sadhu se hui. Sadhu advait sthiti ki pratyaksh anubhooti kar chuke the. Swami ji ko advait gyan paane ka adhikaari jaankar sadhu ne kaha"Mai tumhe advait ka gyan pradaan karta hun". Aisa keh Sadhu ne Swamiji ke sar pe apna haath rakha. Usi samay Swami ji ko samaadhi lag gayi. Vo teen din tak samadhi me rahe. Lekin itna hote hue bhi unki Maa Kali ki bhakti me koi kami nahi ayi.



Ve Maa Kali ke mandir jaakar unki bhakti me leen ho gaye. Sadhu ko ye dekhkar bada aashcharya hua. Unke anusaar ye sab vyarth tha. Ve kehte the "jagat mithya hai aur Brahm satya hai".Swami ji ne kaha "Mai Maa ki puja karta hun, kyunki vo hi Jagatmata hain. Sadhu ko ye baat theek na lagi aur vo vahan se kahin aur jaane ke liye taiyaar hue, to Swami ji ne unhe rok liya.

Kuch samay baad Sadhu aswasth ho gaye. Unhe kisi dawai se fark nahi pad raha tha. Ve samaadhi lagana chahte the, parantu aswasth hone ke kaaran ve dhyaan nahi laga paa rahe the.Unhe lag raha tha ki unke deh-tyag ka samay aa gya hai. Unhone kisi ko kuch nahi bataya aur Ganga ji me utar gaye. Kafi der tak Ganga ji me idhar udhar ghumne ke baad bhi unhe doobne layak sthan na mila. Vo vapas bahar aa gye aur vichaar karne lage ki aisa kyun hua.  Ve isi vichaar me magn the ki unhe Jagatmata ka saakshatkaar hua. Maa ne unse kaha "Mujhe hi paar kar Brahm ko paya ja sakta hai, bina mujhe jaane tum Brahm ko kaise paoge."

Is saakshatkar ke baad vo Sadhu swasth ho gaye aur Maa Kali ke darshan ke baad vahan se vapas gaye. 

Friday, 26 September 2014

Durga Saptashati ke sidh mantra(in sanskrit)



      

      Aapatti Uddhar mantra:

      Sharnagat dinartha paritraan parayne |
      Sarvsyati Hare devi narayani namoastute ||

      Vipattinashak tatha subhdayak mantra:
      
      Karotu sa nah shubh heturishwari ।
      Subhani bhadranyabhihantu chapadah ।।

      Bhay vinashak  mantra:

       Sarva swaorupe surveshe sarvshakti samanwite
        Bhayebhyah strahi no devi durge devi namoastute ||

      Pap nashak mantra:

     Hinasti daetyatejansi swanenapurya ya jagat |
     sa ghanta patu no devi papebhyaodnah sutaniv ||

    Rog Nashak mantra:
    
     Rogan Roshan pahansi tushta rushta tu kaaman saklan bhistan ।
     Twamashritanam na vipannranam Twamashrita Hrashrayatam prayanti ||
   
      Mahamari Nashak mantra:
   
     Om jayanti manglakali  bhadrkali kapalini |
     Durga kshama Shiva dhatri Swaha Swadha Namostute ।।

     Saubhagya tahtha aarogyakarak mantra:

     Dehi saubhagyamarogyam dehi me paramam sukham |
     Rupam dehi jayam dehi yasho dehi dwisho jaahi ||

     Sulakshna patni prapti hetu mantra:

      Patnim  manoramam dehi manovritanusaarinim
      Taarinim durg Sansar Sagarasya kulodhbhawam।|

      Ikshit pati prapti hetu mantra:

      Om katyaayani mahamaye mahayoginyadhishwari |
      Nand gop sute Devi Patim Me Kuru Te Namah ।।

     Shakti prapti hetu mantra:

     Shrishti-sthiti vinashanaam shakti Bhoote sanatani ।
     Gunashraye gunmaye narayani namoastute ||

     Putra prapti hetu mantra:

     Devkisut Govindah vasudev jagatpatte |
     Dehi me tanayam krishnah Twamaham sharanam gatah ||


      

Tuesday, 23 September 2014

suvichar

koi aapka dil dukhaye to aap bura mat manie kyunki prakriti ka niyam hai jis ped pe fal lage hote hai log patthar usi ko marte hai

Maa Ambe ka Bhajan



Maa saacha tera dwar hai
Jo bhav se taraata hai
Bhoole bhatke rahi ko
Raah dikhata hai

Maa saacha tera dwaar hai...jo bhav se taraata hai

Dwaare pe inke ao
Jai Jai bulaane
Bhakto maiya ji ke 
Darshan paane

Manwaanchhit fal maa se mil jaata hai
Maa saacha tera dwar hai...jo bhav se taraata hai

Sheesh chadhaya tha
Dhyanu ne maiyya ko
Amar kiya tha 
Mata ne jinko

Dar pe tera noor khil khil jata hai
Maa saacha tera dwar hai...jo bhav se taraata hai

Maa hi naiyya 
maa hi khivaiyya 
Jai bolo man se 
Jagdambe maiyya

Charno me mata ke jo sheesh jhukata hai
Shivgiri tabhi vo mukti paa jata hai
Maa saacha tera dwaar hai...jo bhav se taraata hai



Friday, 19 September 2014

Krishana Govind Gopal Gaate Chalo .

Krishna Govind Gopal gaate chalo
Man ko vishayon ke vish se bachate chalo

Dekhna indriyon ke na ghode bhage
Raat din inme saiyyam ke kode lage
Apne rath ko sumarg par chalaate chalo
Krishna Gobind Gopal gaate chalo

Naam japte raho karm karte raho
Paap ki vaasnaon se darte raho
Naam dhan ka khajaana bhadate chalo
Krishna Gobind Gopal gaate chalo

Praan jaaye magar naam bhulo nahi
Dukh me tadpo nhi sukh me fulo nhi
Prem bhakti ke ansu bahaate chalo
Krishna Gobind Gopal gaate chalo

Dhyan ayega unko kabhi na kabhi
Ish (Prabhu)payega ek din kabhi na kabhi
Aisa vishwas man me bithaate chalo
Krishna Gobind Gopal gaate chalo


Chalo Banke Bihari Ke Chaliye Sharan.

Chalo Banke Bihari ke chaliye Sharan
Chalo Kunj Bihari ke chaliye Sharan

Sheesh sohe mukut kaan kundal sohe
Roop sunder suhana hai shyamal varan

Yahi raja dhiraja hain sansar ke
Chandra Surya chalen nit unke daran

Yehi jal me hain thal me hain sab me yehi
Yehi karte hain jeevon ka taaran taran

Pyari pyari pitambar ki shobha bani
Man ko mohe muraliya ki adharan dharan

Chalo banke bihari ke chaliye sharan...

Thursday, 18 September 2014

Vaishno Devi ki Katha



Treta yug me jab Prithvi par Ravan, Khardushan,Trishira, Taadka adi rakshason ne ghor atyachar kar sadhu santon ka havan-yagya-pujan karna band karva diya tha, charon or aasuri pravrittiyan failne lagin, us samay Maa Bhagwati Maha Kali, Maha Lakshmi tatha Maha Saraswati ne Dharm raksha ke liye apne sammilit tej se ek divya shakti ko janm dene ka nishchay kiya aur ye sammilit tej punj ekatrit hokar ek divya baalika ke roop me prakat ho gyin, jinka naam Vaishnavi rakha gya.

Kanya Vaishnavi ne un teeno Maha Shaktiyon se puchha "mai kaun hun tatha mujhe kis hetu aap logon ne prakat kiya hai?" Deviyon ne kaha "humne tumhe Prithvi par Dharm ki raksha ke liye Prakat kiya hai. Isliye tum ab Dakshin Bharat me Ratnakar Sagar ke ghar prakat ho jao. Vahan tumhe aage chalkar Vishnu ke avtaar Ramchandra ji ke darshan honge."

Is ghatna ke kuch samay pashchat hi us kanya ne Ratnakar Sagar ke ghar janm liya, aur uska naam Vaishnavi rakha gaya. Vaishnavi apni chhoti si ayu me hi apne alaukik shaktiyon se logon ko prabhavit karne lag. Kuch hi dino me kanya ki prasiddhi door door tak hone lagi. Vaishnavi jab kuch badi hui to usne apne pita ke agya se samudra tat par kuti bana tapasya karni shuru kar di. Tapasya me leen reh kar Shri Ram ji ka dhyan aur smaran karti rehti thi. Unki ghor tapasya dekh kar Surya Dev ne divya kamandal bhent kiya.

Jab Vishnu Bhagwan ne Ayodhya me Dashrath putra Ram ke roop me avtaar liya, aur pita ki agya se chaudah varshon ke liye vanvaasi hue, us samay vo kanya samudra tat par samadhi me reh tapasya kar rahi thi, aur Ramji ke ane ki prateeksha kar rahi thi. Ravan ke dwara Sita ji ka haran ho jane par, Ram ji apne vanar sena ke sath samudra tat par pohche, tab unhone tapasya me leen divya kanya ko vahan dekha. Prabhu ShriRam divya kanya ki kuti me gaye. Kutiya me pohochne se kanya Vaishnavi ki samaadhi toot gyi aur unhone Ramchandra ji ko apne samne dekha. Unhe dekhkar vo prasann hui.

Kanya Vaishnavi ne vidhivat satkaar kar Prabhu ki stuti ki. Prabhu ne Vaishnavi se unka parichay aur tapasya ka karan pucha. Unhone uttar me kaha "Mai Ratnakar Sagar ki putri hun aur apko apne pati roop me pane hetu tapasya kar rahi hun." Yah sun Prabhu Shri Ram ne kaha "Is yug me maine ek-patnivrat hone ka sankalp liya hai. Devi apko apni tapasya ka fal prapt hoga jab mai Ravan ka vadh karne ke pashchaat apki kutiya me vesh badal kar aunga aur us vakt yadi apne mujhe pehchaan liya to mai apko patni roop me sweekar kar lunga".

Is tarah Lanka par vijay prapt kar Ayodhya lautate samay, Prabhu ShriRam ek vridh sadhu ka vesh banakar Vaishnavi ki kutiya me gye.Parantu Devi Vaishnavi unhe pehchaan na payin. Prabhu ne unse kaha "mere vachan-anusaar tum mujhe vridh sadhu ke vesh me nahi pehchaan payi. Par tumhari tapasya ka fal tumhe Kalyug ke ant me milega, jab mai Kalki avtaar lunga aur tumhe apni patni ke roop me sweekar karunga. Tab tak tum uttar Bharat ke Manik Parvat shrinkhala par sthit Trikoot Parvat ki gufa me, jahan teen Mahashaktiyon ka nivaas hai, jakar tapasya karo. Hanumanji vahan tumhare prahari honge. Samast bhumandal par tumhari yash tatha mahima failegi aur log tumhari Maa Vaishnvai ke roop me puja karenge.

Is tarah ye vishvas kiya jata hai ki Treta yug se teenon Mahashaktiyon ke sathMaa Vaishno Trikoot Parvat ki Gufa me saakshat virajmaan hain aur Prabhu ki prateeksha kar rahi hain.

Jai Maa Vaishno!


Sunday, 14 September 2014

Mata ko nariyal ka bhent [why is coconut offered to God]



Ye katha un dino ki hai, jab Bharat me Mughal Samrat Akbar ka shaasan tha. Mata ka ek param bhakt Dhyanu, apne sang sahit Jwala Maa ke darshan ke liye ja raha tha. Itna bada sangh dekh kar Akbar ke sipahiyon ne Chandni Chowk me unhe rok liya aur Badshah ke darbar me le ja ke pesh kiya. Badhah ne Dhyanu bhakt se puchha "Itne logon ke sath tum kahan aur kyun ja rahe ho?"

Dhyanu ne hath jod uttar diya "hum log Mata ke bhakt hain aur Jwala Mai Shaktipeeth ke darshan ko ja rahe hain". Akbar ne Devi maa ka virodh karte hue kaha "Ye Devi Mai kaun hai aur unke darbar ja ke kya hoga?"Bhakt Dhyanu ne kaha "Jwala Mai sansar ki rachna evam palan karne wali mata hain. apne bhakton par sadaiv unki kripa rehti hai tatha sachhe man se ki gyi prarthana vo sweekar karti hain aur unki manokamna puri karti hain". Akbar ne kaha"hum yakeen kaise karen? Tum bhakt ho to apni maa se keh kar koi chamatkaar dikhao."

Dhyanu ne kaha "hum mata ke tuchh sevak hain aur bhala hum kya chamatkaar dikha sakte hain?" ye sunkar Akbar ko krodh aa gaya aur usne sangh ke pas jo ghode the unme se ek ki gardan katwa di, aur kaha "apni ma se kaho ki ghode ki gardan ko jod, use wapas jeevit kar den. Hum unka chamatkar dekhna chahte hain."

Bhakt Dhyanu ne Badshah se kaha "Maharaj! ek maah tak ap mere ghode ke dhad ko sir samet surakshit rakh den." Ek mahine ki mohlat lekar, usne Ma ke darbaar jaane ki anumati bhi li. Dhyanu apne sathiyon sahit Maa Jwala ke darbaar pohcha. Snan pujan karne ke upraant, raat bhar maa ke mandir me jagran kiya. Pratah kaal arti ke samay hath jod Dhyanu ne man se prarthna ki "Hey maiya! ap antaryami  hain. Badshah meri bhakti ki pareeksha le rahe hain. Meri laaj rakho maa aur mere ghode ko apni kripa se jeevit kar do. Anyatha mai bhi apna sheesh kaat apke charno me chadha dunga kyunki mai lajjit hokar jeena nahi chahta.

Thodi der tak maun re ke maa ke taraf dekhta raha, fir usne apna sheesh kaat kar Devi Maa ke charno me chadha diya. Usi samay Maa prakat huin aur bhakt ka sheesh dhadh se jud gaya. Maa ne kaha "Putra! tumhare ghode ko bhi maine jeevit kar diya hai. aur kuch ichha hai to vardaan maang lo".
Bhakt Dhyanu ne kaha "Maa!aap jagat mata hain. apne bhakt ki itni kathin pariksha na len. har bhakt apko apne sheesh ka bhent nahi de sakta, isliye bhent ke liye kuch anya vastu ko ap sweekar karne ki kripa karen". Maa ne kaha " mai abse sheesh ke sthan par nariyal ka bhent tatha sache man se ki prarthana dwara hi bhakt ki manokamna puri karungi." Yeh kehkar Maiya antardhyan ho gyin.

Idhar Badshah Akbar ghode ko jeevit dekh kar hairan tha. Usne apne kuch sipahiyon ko is chmatkar ke raaz ka pata karne ke liye Jwala Ji bheja. Vapas laut kar unke sipahiyon ne bataya ki zameen ke andar se roshni ki lapten nikal rahi hain. yadi ap hukm den to band karva den. Akbar ne sweekriti de di. Shahi sipahiyon ne sarva pratham Mata ki pavitra jyoti par lohe ke mote mote tave rakhva diye, parantu divya jyoti tava faad kar upar nikal ayin. iske pashchaat pani ke jharne se lagatar divya jyot ko bujhane ki cheshta ki gyi. Fir bhi jyot ka prakash kam na hua. haar kar shaahi sipahiyon ne badshah ko khabar di ki unki sari koshishen naakaam ho gyin aur Jyot abhi bhi jal rahi hai. ab ap jo theek samjhen karen.

Is samachaar ko pakar, Akbar ne darbar ke vidwan brahmano se salaah ki. Brahmano ne unhe khud jakar Maa ke chamatkaar ko mehsoos karne ka tatha Devi maa ko bhent chadhake prasann karne ka sujhaav diya. Akbar bhent ke roop me sawa man sone ka chhhatra leke Ma Jwala ke darbar nange paon pahuncha. Maa ki divya jyoti ke darshan kiye aur shraddha se Maa ke charno me apna mastak jhuka kar naman kiya. apne kiye par pashchataap use ho raha tha. sone ke chhatra ko chadhaane ki taiyyari hone lagi. parantu chhatra girkar toot gaya. kaha jata hai ki vo chhatra sone ka na raha, kisi vichitra dhaatu ka ban gaya, jo na to loha tha, na peetal, tamba aur na sheesha hi tha. Devi maa ne bhent ko asweekaar kar diya. Akbar ne Mata se shama ki bheek mangi. Badhshah dwara chadhaya gaya vah khandit chhatra, Jwala Mai ke darbaar me aj bhi rakha hua dekha ja sakta hai.

Boliye prem se....Sanche darbaar ki Jai. Jwala Mai ki jai.

Friday, 15 August 2014

Radha Krishna Vivah Katha


Dwapar yug me Bhagwati Radha aur Bhagwan Shri Krishna ka gathbandhan vasant panchmi ko hua tha, par kalyug me bhi yahi tithi ShriRadha-Shyamsunder ke milan ki sakshi bani. Is kathanak ka saar sanshep yeh hai ki 16vin shataabdi me Paschchim Bengal ke Medinipur Jile ke Dhaarenda gaon me janme Krishnadas apne guru se deeksha praapt karne ke baad Vrindavan jakar vahin rehne lage.

Ek roz Shri Radha-Krishna ki nitya raas sthali ke safai ke dauraan, unhe durlabh ratnon se jadit ek nupur mila. Krishnadas ji ko aisa laga ki yeh alaukik nupur Bhagwati Radharani ka hai. Radharani ko jab yeh baad maloom hui, to unhone apni sakhi Lalita ko vah nupur laane ko bheja. Lalita ji vridh Brahmani ka vesh dhar ke Krishndas ji ke sameep aain aur unhone nupur lautaane ka agrah kiya.

Krishnadas ne kaha "Mai yeh nupur seedhe uski swamini ko hi saupunga". Darasal veh Bhagwati Radha ke darshanon ke liye aatur the. Fir Radhaji ne unki ichha purti  ka nirnay liya. Radharani ke nirdesh par Lalita ji ne Krishnadas ko Radha mantra pradaan karke unhe Radha kund me snaan karvaya. Isse krishnadas ji ko Radharani ke darshan ki patrata praapt ho gayi, lekin darshan ke baad Bhagwati Radha se viraah ki kalpana karte hi Krishnadas ka man dukhi ho gaya.

Radhaji ne unhe saantwana dene ke liye apne hriday se Shree Shayamsunder ka shrivgrah prakat karke Lalita ji ke maadhyam se Krishnadas ji ko saunp diya. Prabhu ke is vigrah ka avirbhaav 1578 me vasant panchmi ko hua tha. Iske baad 1580 me Bharatpur riyasat ke tatkaleen raja ne apne khazane me prakatit Shyama (Radharani) ke shrivigrah ka vivah Vasant panchmi ke shubh muhurat me Vrindavan jakar Shri Shyamsunder ji ke saath karva diya. Unhone vahin par Shri Radha-Shyamsunder ke liye ek vishal mandir ka bhi nirmaan karaya.

Shri Krishnadas ke mahaprayan ke baad unke parampriya shishya Shreersikanand ne Shyama-Shyamsunder ki sewa ki. Vigat char shatabdiyon se Shreersikanand prabhu ke vanshaj Laal-lali (Shyam sunder-Radharani) ki puja-sewa tatha mandr ki vyavastha karte chale aa rahe hain. Pratyek varsh vasant panchmi ke din Shri Shyamsunder dev ka avirbhaavotsav tatha Shri Radha-Shyamsunder ka Vivahotsav atyant bhavya roop se manaya jaata hai. Isme asankhya shraddhaalu sammilit hote hain. Isliye Vasant Panchmi Shyamsunder Panchmi ke naam se prasidh ho gyi.



(Article by Sandhya Tandon, Jagran sakhi, February 2014)