Swayam me anekon kamiyan hone ke bavjood mai apne aap se itna pyaar kar sakta hun

to fir doosron me thodi bahut kamiyon ko dekhkar unse ghrina kaisi kar sakta hun-

anmol vachan, Swami Vivekanand Ji


Friday, 10 April 2015

Prabhu shriRam Ke Charano Me Shabari Ki Ananya Bhakti. (प्रभू श्रीराम के चरणों में शबरी की अनन्य भक्ति)। ,( श्रीराम चरित मानस ) ।

ताहि देइ  गति राम उदारा । शबरी कें आश्रम पगु धारा ।।
शबरी देखि राम गृहँ आए । मुनि के बचन समुझि जियँ भाए ।।
सरसिज लोचन बाहु बिसाला । जटा मुकुट सिर उर बनमाला ।।
स्याम ग़ौर सुंदर दोउ भाई । शबरी परी चरन लपटाई ।।
प्रेम मगन मुख बचन न आवा । पुनि पुनि पद सरोज सिर नावा ।।
सादर जल लै चरन पखारे ।   पुनि सुंदर आसन बैठारे ।।
         
              कंद मूल फल सुरस अति दिए राम कहुँ आनि ।
               प्रेम  सहित प्रभु  खाए   बारंबार    बखानि ।।

  पानि जोरि आगे भइ  ठाढी । प्रभुहि बिलोकि प्रीति अति बाढ़ी ।।
  केहि बिधि अस्तुति करौं तुम्हारी । अधम जाति मैं जड़मति भारी ।।
  अधम ते अधम अधम अति नारी । तिन्ह महँ मैं मतिमंद अघारी ।।
  कह रघुपति सुनु भामिनि बाता ।    मानउँ एक भगति कर नाता ।।
    जाति पाँति कुल  धर्म बड़ाई  ।  धन बल परिजन गुन चतुराई ।।
       भगति हीन नर सोहइ कैसा ।  बिनु  जल बारिद देखिअ जैसा ।।