Swayam me anekon kamiyan hone ke bavjood mai apne aap se itna pyaar kar sakta hun

to fir doosron me thodi bahut kamiyon ko dekhkar unse ghrina kaisi kar sakta hun-

anmol vachan, Swami Vivekanand Ji


Sunday, 13 November 2016

ShriNandKumarashtakam ( श्रीनंदकुमाराष्टकम् )

      


सुंदर गोपालं उरवनमालं नयन विशालं दु:ख हरम् ,
वृंदावनचंद्रम् आनंदकन्दम् परमानंदम् धरणीधरम् ।
वल्लभ घनश्यामं पूर्णकामं अत्यभिरामं प्रीतिकरम् ,
भजनंदकुमारं  सर्वसुखसारं  तत्व विचारं ब्रह्मपरम् ।।१ ।।

सुंदर वारिजवदनं निर्जित मदनं आनंद सदनं मुकुटधरम् ,
गुंजाकृतिहारं  विपिनविहारं  परमोदारं  चीरहरम्  ।
वलल्भ पटपीतं कृत उपवीतं कर नवनीतं विबुधवरम् ,
भजनंदकुमारं  सर्वसुखसारं  तत्व विचारं  ब्रह्मपरम्  ।। २ ।।

शोभित सुखमूलं यमुनाकूलं निपट अतूलं सुखद वरम् ,
मुख मण्डित रेणुं चारित धेनुं वादित वेणुं मधुर सूरम् ।
वल्लभ मति विमलं शुभपद कमलं नखरुचि विमलं तिमिर हरम् ,
भजनंदकुमारं  सर्वसुखसारं  तत्व  विचारं  ब्रह्मपरम्  ।। ३ ।।

शिर मुकुट सुदेशं  कुंचित केशं नटवर वेषं कामवरम् ,
मायाकृत मनुजं हलधर अनुजं प्रतिहतदनुजं भारहरम् ।
वल्लभव्रजपालं सुभगसुचालं हितमनुकालं भाववरम् ,
भजनंदकुमारं  सर्वसुखसारं  तत्व विचारं  ब्रह्मपरम्  ।। ४ ।।

इन्दीवरभासं प्रकट सुरासं कुसुम विकासं वंशीधरम् ,
जित मन्मथ मानं रूप निधानं कृतकलगानं चित्तहरम् ।
वल्लभ मृदु हासं कुंज निवासं विविध विलासं ब्रह्मपरम् ।। ५ ।।

अति परम प्रवीणं पालितदीनं भक्ताधीनं कर्म करम् ,
मोहनमति धीरं कलिबलिवारं हत परवीरं तरल तरम् ।
वल्लभ व्रज रमणं वारिज वदनं जलधर शमनं शैलधरम् ,
भजनंदकुमारं  सर्वसुखसारं  तत्व  विचारं ब्रह्मपरम्  ।। ६ ।।

जलधर द्युतिकायं ललितत्रिभंगं बहु कृतिरंगं रसिकवरम् ,
गोकुल  परिवारं  मदनाकारं  कुंज  विहारं  गूढ़नरम् ।
वल्लभ व्रजचंद्रम् सुभग सुछंदम् परमानंदम भ्रांतिहरम् ,
भजनंदकुमारं  सर्वसुखसारं  तत्व  विचारं  ब्रह्मपरम ।। ७ ।।

वंदित युग चरणं पावनकरणं जगदुद्धरणं विमलधरं ,
कालिय शिर गमनं कृतफणि नमनं घातितयमनं मृदुल तरम् ।
वल्लभदु:खहरणं  निर्मलचरणं  अशरणशरणं  मुक्तिकरम् ,
भजनंदकुमारं  सर्वसुखसारं  तत्व  विचारं ब्रह्मपरम्   ।। ८ ।।

।। इति श्रीमद् वल्लभाचार्य विरचितं नंदकुमाराष्टकं सम्पूर्णम्  ।।